Бид дараахь чиглэлээр Монгол орны шувууг судлах, хамгаалахад гадаад, дотоодын хувь хүн, байгууллагатай хамтран ажиллах сонирхолтой байна. Үүнд:
Шилийн сар.
Монгол орны хээрийг шилийн сар
шувуугүйгээр төсөөлөхөд хэцүү. Түүний ангиал зүй, популяцийн экологи,
зан төрх, хээрийн экосистем дэх үүргийн талаархи судалгаа харьцангуй
бага хийгджээ. Иймээс энэ чиглэлээр судалгааны ажлыг санаачлан эхлүүлэх
нь шинжлэх ухааны хувьд онцгой ач холбогдолтой юм.
Идлэг шонхор нь манай орны хээрт өргөн тархсан, сүүлийн үеийн тусгай зөвшөөрөлтэй ба хууль бус худалдаа нь тоо толгойд сөргөөр нөлөөлөх аюултай. Түүнийг тогтвортой, шинжлэх ухааны үндэслэлтэй ашиглахын тулд тоо толгой, нөөцийн судалгааг хийх зайлшгүй шаардлагатай байна. С.Гомбобаатар докторын ажлаа энэ чиглэлээр хамгаалсан учир энэ талаархи бусад мэдээллийг түүнээс авах боломжтой.
Хиймэл үүрний судалгаа нь хээрийн махчин шувууд ба үлийн цагаан оготно мэт жижиг мэрэгчдийн харьцааг ойлгох, идлэг шонхор, шилийн сар мэт махчин шувуудыг хамгаалах, өсгөн үржүүлэх, оготны тоо толгойг цөөрүүлэхэд ихээхэн холбогдолтой учир энэ чиглэлээр ажиллах хувь хүн байгууллагуудтай хамтран ажиллахдаа дуртай байх болно.
Амарын шонхорын нэгэн томоохон үржлийн нутаг бол Монгол орон юм. Түүний нүүдэл шилжилтийг тогтоосны үндсэн дээр олон улсын хамтын ажиллагаагаар судлан хамгаалах нь эрдэм шинжилгээ болон практик ач холбогдлоор чухал байна.
Хонин ба жороо тоодгийн
популяцийн экологийн судалгааг хийж хамгаалах үйл ажиллагааны төлөвлөгөө
гаргах нь харьцангуй бага судлагдсан энэ зүйлийг судлахад ихээхэн ач
холбогдолтой.
Монгол
орны хувьд эргийн, усны шувуу
судлалын чиглэлээр залуу
судлаачидыг бэлтгэх
шаардлагатай байна. Монголын
хээрт тархсан дорны хиазат Charadrius veredus-ыг тал бүрээс нь судлан,
олон арван эрдэм шинжилгээний өгүүллэг бичих мөн цөлөрхөг хээрийн экологийн
системийн тэнцвэрийг хянах мониторингийн судалгааг хийхэд
хамтарсан төсөл бичих шаардлагатйа байгааг манай судлаачид анхааран ажиллаж
байна.
Хээрийн ба хушуу галууны нүүдэл, үржлийн биологи, экологи, өвчин эмгэгийг шувууны ханиад мэт дэгдэлтэт өвчинтэй холбон судлах нь тухайн зүйлийн биологи, экологийн судалгааг үргэлжлүүлэн хийхэд онцгой ач холбогдолтой.