2022-2023 оны хичээлийн жилд МУИС-ийн төвлөрсөн сан, бүрэлдэхүүн/салбар сургууль, хүрээлэн, төвийн дансаар санхүүжилт хийгдсэн нийт 5 тэрбум 470 сая 556 мянган төгрөгийн төсөвт өртөг бүхий 126 төсөл, гэрээт судалгааны ажил хэрэгжсэнээс МУИС-ийн дотоод санхүүжилттэй төсөл 24 (530 сая 228 мянган төг), олон улсын болон гадаадын байгууллагатай хамтарсан төсөл 31 (2 тэрбум 181 сая 962 мянган төг.), дотоодын төсөвт байгууллагын санхүүжилттэй 42 (1 тэрбум 140 сая 35 мянган төг), дотоодын аж ахуйн нэгж бусад байгууллагын санхүүжилттэй 29 (1 тэрбум 618 сая 329 мянган төг.) төсөл хэрэгжсэн байна. Өмнөх хичээлийн жилтэй харьцуулахад олон улс, улсын төсвийн болон бусад аж ахуйн нэгжийн санхүүжилттэй төслийн тоо болон санхүүжилтийн хэмжээ өссөн байна.

МУИС-ийн эрдэмтэн судлаачид 2022-2023 оны хичээлийн жилд Web of Science мэдээллийн санд бүртгэлтэй олон улсын сэтгүүлд 153 өгүүлэл хэвлүүлсэн ба тэдгээрийн 38-ийг нэгдүгээр зохиогчоор, 50-ыг холбоо баригч зохиогчоор, бусад бүтээлийг гадаадын мэргэжил нэгт судлаачидтай хамтран туурвисан байна.